මරණින් පසු තිබෙන ජීවිතය පිළිබඳව කතා කිරීමට පෙර අද අප ජීවත් වන ජීවිතය ගැන කතා කල යුතුයි. හේතුව නම් යම් දෙයක් ප්‍රථම වතාවට නිර්මාණය කිරීම දුෂ්කර වේ. මෙය බුද්ධිමතුන් පිළිගන්නා න්‍යායකි.
පරිගණකයක් ප්‍රථම වතාවට නිර්මාණය කිරීම සඳහා අවුරුදු ගණනක් අවශ්‍ය විය. නිර්මාණය කල පසු එය මෙන් දහස් ගණන් පරිගණක නිර්මාණය කිරීම පහසු විය.
අවුරුදු 100ට පෙර ඔබ මෙලොවේ සිටියේ නැත. කිසිම තැනක සිටියේ නැත. යම්කිසි වස්තුවක් ලෙසවත් සිටියේ නැත. ශුන්‍ය (කිසිම දෙයක්ව නොවී තිබුන) අවස්ථාවෙන් දෙවියන් ඔබව මැවූ බව විශ්වාස කරන මුස්ලිම්වරුන්ට නිර්මාණය කල දෑ විනාශකර නැවත නිර්මාණය කිරීමට හැකි බව විශ්වාස කිරීම පහසු වේ.
එසේම දෙවියන් පිළිබඳව මුස්ලිම් වරුන් විශ්වාස කරන විට ඔහු සර්ව බලධාරී යැයි විශ්වාස කරති. මිනිසුන් මෙන් දුර්වල කෙනෙකු ලෙස දෙවියන්ව මුස්ලිම්වරුන් විශ්වාස කරන්නේ නැත.
වඳ වී ගිය දෑ නැවත නිර්මාණය කිරීම ඔබටත් ඔබ දන්නා අයටත් දුෂ්කර වේ. දෙවියන්ගේ ස්ථාවරයද මෙය නම් එවැනි දෙවියෙකු අවශ්‍ය නොවේ. අප කාටත් කිරීමට නොහැකි දේ කිරීමට ශක්තිය ඇත්තා තමයි දෙවියන් බව ඉස්ලාම් පවසන්නේ. එමනිසා මරණින් පසු ජීවිතය පිලිබඳ ප්‍රශ්නය අනවශ්‍ය එකකි.
දෙවියන් පිළබඳව තර්කානුකූල විවාදයකින් පසුව තීරණයකට එළඹුවේ නම් මරණින් පසු ජීවිතය, ස්වර්ගය, නිරය සියල්ලක්ම විශ්වාස කිරීම පහසු දෙයක් වේ.
සොහොන් ජීවිතයේ දී දඬුවම් ලැබීම යනු හැඳින්වීම සඳහා යොදාගන්නා වචනයකි. සොහොන විවෘත කර බැලුවේ නම් කිසිම මිනිසෙකු දඬුවම් විඳීම දක්නට නොලැබේ. මෙය හරියාකාරව තේරුම් ගෙන අනික් අයට විස්තර කල යුතුය.
යහපත් පුද්ගලයන්ටත් අයහපත් පුද්ගලයන්ටත් සියල්ලන්ටම සොහොන් ජීවිතයක් තිබෙන බවයි ඉස්ලාමයේ විශ්වාසය. විශේෂයෙන්ම අයහපත් පුද්ගලයන්ට සොහොන් ජීවිතයේ දඬුවමින් බේරීමට නොහැකි බවට ඉස්ලාමයේ සාක්ෂි තිබේ.
බොහෝ අයහපත් පුද්ගලයන් ගිනි බත් වේ. ඔවුන්ගේ අළු සෑම තැනකටම විසිරේ. ගංගා වල දිය කරනු ලබයි. මොවුන් එක් තැනක මිහිදන් කරනු ලබන්නේ නැත. රටේ බොහෝ ස්ථාන වලට මොවුන්ගේ අළු විසිරී පවතී. මොවුන්ට සොහොන් ජීවිතයක් නොමැති නිසා සොහොන් ජීවිතයේ ලැබෙන දඬුවම් ද නොමැති බව පැවසුවේ නම් , සියල්ලක් ම සොහොන් ජීවිතයේ දඬුවම අත්විඳි යනුවෙන් ඉස්ලාමයේ සඳහන් වන සාක්ෂි සියල්ලම ප්‍රතික්ෂේප වේ.
එසේම, යම් කෙනෙක්ව කැලෑ සතෙක් මරාගෙන කෑවේ නම් නැතහොත් සාගරයේ ගිලී මිය ගිය කෙනෙක්ව මත්සයන් අනුභව කලේ නම් මොවුන්ට සොහොන් ජීවිතයක් තිබේද?
මිහිදන් කෙරුණු ස්ථානයේම - එම සොහොන තුලම දඬුවම් දීම සිදු කරයි යැයි අප විශ්වාස කලේ නම් ලෝකයේ බොහෝ මිනිසුන්ට සොහොන් ජීවිතයේ දඬුවමක් නොලැබේ.
මියගියවුන් ගේ ආත්මයන් තමන් සතුවට ගත් දෙවියන් අපට බැලීමට නොහැකී වෙනත් ලෝකයක තබා දඬුවම් කරයි ලෙස විශ්වාස කිරීම තමයි මෙහි අර්ථය විය හැක්කේ.
සමහර සොහොන් තුල දෙනු ලබන දඬුවම් නබි (සල්) තුමාණන්ට අල්ලාහ් පෙන්වා දී තිබෙන බව හදීස් වල සඳහන් වේ. ඒවා අල්ලාහ්ගේ දූතයා යන කාරණය මත පෙන්වා දෙනු ලැබූවා යැයි සිතිය යුතුයි.
ගිනිබත් වූවන්ටත්, දියේගිලී මියගියවුන්ටත් සොහොන් ජීවිතයක් නැත යන අදහස මගහරවා ගැනීමට සොහොන් ජීවිතය පිළිබඳව තීරණය කල යුත්තේ මෙසේය.
No comments:
Post a Comment