ඒක දේව වාදය යනු කුමක්ද?

බොහෝ මිනිසුන් ජීවත් වන්නන්ව නමදීයි. මියගියවුන්ව නමදීයි. ප්‍රාණයක් නොමැති දේවල්ද නමදීයි. මෙවැනි සිදුවීම් අද ලෝකයේ කොතෙකුත් දක්නට ලැබේ.

පැහැදිලිවම බහු දේවවාදය ලොවට කියාපාන ආගම් අප දකින්නෙමු.

1. නිර්මාණය කරන්නට දෙවියෙක්.
2. විනාශ කරන්නට දෙවියෙක්.
3. ආරක්‍ෂාවට දෙවියෙක්.
4. ප්‍රශ්නවලට විසඳුම් දීමට දෙවියෙක්.
5. සතුට ලබාදීමට දෙවියෙක්.
6. වැසි වැස්සවීමට වෙනම දෙවියෙක්.
7.  ආහාර ලබාදීමට වෙනත් දෙවියෙක්.
8. දැනුම සඳහා තවත් දෙවියෙක් ලෙස බොහෝ දෙවිවරුන් සිටින බව මිනිසුන් විශ්වාස කරති.

යමෙක්ව මරණයට පත්කිරීමට විනාශකිරීම සඳහා සිටින දෙවියන් විසින් ඊට අවශ්‍ය ක්‍රියාමාර්ග ගනිමින් සිටියදී , ආරක්‍ෂාව සඳහා සිටින දෙවියන් විසින් මෙම මිනිසාව ආරක්‍ෂා කිරීම සඳහා ක්‍රියාකළේ නම් සිදුවන්නේ කුමක්ද? ඔහු මියයයිද? ආරක්ෂා වෙයිද?

ඉහත සඳහන් කල  දෙකෙන් කුමක් සිදුවූවත් අනිවාර්යයෙන්ම එක් දෙවියෙකු පරාජයට පත්වේ. පරාජයට පත්වන්නා දෙවියකු විය හැකිද? තමන් සිතූදෙය කිරීමට ශක්තිය නොලද්දා තමන් දෙවියකු ලෙස හැඳින්වීමට ඇති සුදුසුකම කුමක්ද?

දෙමල භාෂාව කතා කරන්නන්ටත් සිංහල භාෂාව කතා කරන්නන්ටත් නැතිනම් ශ්‍රී ලංකානුවන්ටත් අරාබියානුවන්ටත් නැතිනම් කුරෛෂි වරුන්ටත් හබෂි වරුන්ටත් යම්කිසි ගැටළුවක් පැන නැගී ඔවුනොවුන් ඔවුනොවුන්ගේ දෙවිවරුන්ගෙන් උදව් උපකාර පැතුවේනම්, දෙපාර්ශ්වයේම දෙවිවරුන් ඔවුනොවුන්ගේ භක්තිකයන්ට උදව් කිරීමට පැමිනියේනම් සිදුවනුයේ කුමක්ද? දෙපාර්ශ්වයේම කව්රු පරාජය වූවත් පරාජය වන්නේ දෙවියන් නොවේද?

මෙම පෘතුවියත්, අනිකුත් ග්‍රහ වස්තූන් සියල්ලත්, මහා අභ්‍යවකාශයත්, ඒවායේ පහල කර ඇති හාශ්චර්යයන් දෙසත් අප බලන්නෙමු. මේවායේ ක්‍රියාවලිය එකම දිශාවටත් පිළිවෙලටත් සිදුවන ආකාරයත් අප බලන්නෙමු.

අවුරුදු දහසකින් පසුව එන ජනවාරි මාසයේ 7වන දින සූර්යයා උදාවන වෙලාව හා බැසයන වෙලාව අපට මේ මොහොතේම ගණන් සාදා කිවහැක. ගණන් බලා කිවහැකි ආකාරයට සූර්යයා හා පෘතුවිය ක්‍රමවත්ව ගමන් කරන බව මෙයින් අපට වටහා ගත හැකිය.

කවදා හෝ සිදුවන සූර්ය, චන්ද්‍ර ග්‍රහණ අපට දැන්ම දැනගත හැකිය.කුමන ප්‍රදේශයේ කෙතරම් වේලාවක් ග්‍රහණය තිබේද? කුමන ප්‍රදේශයේ සම්පූර්ණ  ග්‍රහණයක් තිබේද යන්න පැවසීමට හැකිය.

බොහෝ දෙවිවරුන් සිටියහොත් මෙම ග්‍රහවස්තූන්ට මෙතරම් ක්‍රමවත්ව ක්‍රියාකල නොහැක. එකම කෙනෙකුගේ එකම තීරණයක් මත ක්‍රියාකරන හේතුව මත පමණයි ග්‍රහවස්තූන් එකිනෙකට නොගැටී සිටින්නේ.

මෙවැනි පරිශුද්ධවන්ත ඒක දේවවාදය පිළිබඳව ඉස්ලාම් පවසයි.

ඒක දේවවාදය යන සංකල්පය අතීතයේ පටන් අද දක්වා බොහෝ අය විසින් ප්‍රචාරය කරන ලදී. නමුත් පසුකාලීනව ඔවුන් දෙවිවරුන් ලෙස හඳුන්වා දෙනු ලැබින. ඒක දේවවාදය ප්‍රචාරය කලවුන්ගේ නමින්ම ඒක දේවවාදී සංකල්පය මිහිදන් කෙරුනී.

එසේම අපගේ අවසන් නබිවරයා වන මුහම්මද් නබි (සල්) තුමාණන්ද ප්‍රචාරය කලේ ඒක දේවවාදයයි.

එතුමාණන් අභාවයට පත්වී අවුරුදු 1400ක් ගතවූ නමුත් අදටත් එතුමාණන් දෙවියකු ලෙස හඳුන්වනු නොලැබේ.

නබිතුමානන්ට ප්‍රතිමා සාදනු ලැබුවේද නැත. එතුමාණන්ව මුස්ලිම්වරු නමදින්නේද නැත.

නබිතුමානන් කෙරෙහි අසීමිත ආදරයක් තැබුවත් එහි සීමාව මුස්ලිම්වරුන් හරියාකාරව දැන සිටී. මිනිසින්ගෙන් ඉතා ශ්‍රේෂ්ටතම මිනිසා යන්නයි එම සීමාව. මීට අමතරව සීමාව ඉක්මවා නබිතුමානන්ව දෙවියන්ට සමකරන්නේ නැත.

ඉස්ලාම් ආගමේ ඒක දේවවාදී සංකල්පය අභාවයට නොයා දීප්තිමත්ව බැබලීමට හේතුව මෙයයි.

මෙසේ පැහැදිලි ඒක දේවවාදී සංකල්පයක් වෙනත් කිසිම ආගමක දක්නට නොලැබේ.